Almannahagsmunir...

Það er til orð sem er notað til að taka óæskilega aðila úr samfélaginu. Það kallast að gera eitthvað í þágu almannahagsmuna. Ég er almenningur og það væri því fyrir mína hagsmuni að gera eitthvað svo ég mætti lifa betur á einn eða annan hátt.

Ég bið því, í nafni almannahagsmuna, að þeir sem ganga um stræti og torg og berja mann og annan verði teknir og settir í tukthús. Lögreglustjóri svaraði litlu til af hverju það væri ekki búið að kalla ungan mann sem gengur um með hnefann á lofti í skýrslutöku. Það virðist svo vera á þessu blessaða landi að maður þurfi að drepa mann til að almannahagsmunir séu í húfi. Það má grípa inní atburðarásina miklu fyrr.

Ég prísa mig sælan að vera ekki betri í fótbolta en ég er. Þá væri ég í stórhættu.