Ég sé sæng mína úbreidda...

Ég verð að blogga eitthvað á næstunni. Sé mig tilneyddan.

Blog á ný!

Jæja, held að það sé að koma tími fyrir meira blog!

Kemur ekki á óvart...

Hitti vel á þessu frétt og auglýsingin fyrir neðan. Get ekki sagt annað en ég sé sammála.

 

Íslenskir pappakassar fara á ÓL...

Auðvitað á Ólafur Ragnar forseti og Þorgerður Katrín menntamálaráðherra ekki að láta plata sig á ÓL í Peking. Með þessu erum við að segja að mannréttindabrot séu í lagi. Það hneisa fyrir Ísland að gefa út þau skilaboð. Að horfa framhjá því að mannréttindabrot séu daglegur viðburður í Kína.

Svo borgum við brúsann. Hefði ekki verið gáfulegra að gera eitthvað annað við peningana. Getur Ólafur ekki horft á þetta í sjónvarpinu. 

Reyndar held ég að forseti vor sé búinn að gleyma tilgangi sínum. Hann býður umdeildum einstaklingum til rándýrs kvöldverðar og býður ríka liðinu. Hann er ekki lengur maður fólksins, nema kannski ríka fólksins.Forseti lýðveldisins á að hugsa um almenninginn en ekki vera besti vinur aðal. Það er kominn tími á breytingar á Bessastöðum.

Hakkarar eru haldnir minnimáttarkennd...

Flestir sem þekkja mig vita að ég rek íþróttavefmiðilinn Sport.is (frábær miðill). Í morgun lentum við í því að einhver pappakassi úti heimi hafði hakkað sig inná vefsvæðið og gengið berserksgang, brjótandi allt sem í vegi hans varð. Þar var svo undir kvöld að backup (öryggisafrit) var sett inn og vefurinn aftur kominn í gagnið.

Ég skil ekki af hverju einhver nennir að eyða tíma í að brjótast inná vefi og eyðileggja það sem aðrir eru að gera. Það hlýtur að sýna mikla minnimáttarkennd að þurfa að sanna sig með þeim hætti. Ég geri ráð fyrir að viðkomandi sé 14 ára og hafi ekki mikið annað að gera. Ég trúi ekki að neinn sem er kominn til vits og ára standi í svona verknaði.

En þetta kenndi mér að:

1. Breyta lykilorðum reglulega.
2. Vera ekki með auðveld lykilorð (sem þau voru ekki reyndar).
3. Vera alltaf á varðbergi gegn þrjótum.

En Sport.is er kominn aftur í gagnið eins og ekkert hefði í skorist og eiga Netmiðlar (hýsingaraðilinn) hrós skilið fyrir að koma öllu í samt lag.

En ég segi það og meina, verið á varðbergi!

Dark Knight er ömurleg mynd...

Ég hef ekki séð Dark Knight en allir sem hafa séð hana haldi ekki vatni og segja þetta bestu mynd allra tíma. Ég er hræddur um að fara á hana og verða fyrir vonbrigðum útaf of miklum væntingum.

Þess vegna nota ég gamalt bragð til að draga úr væntingum sem er að telja myndina fyrirfram lélega. Þá fær hún sennilega sanngjarna meðferð hjá mér.

Hef gert þetta áður og alltaf virkað...

Hver tekur að sér þrif?

Ég er frekar latur í þrifunum (en þríf samt auðvitað, er enginn sóði). Ef einhver tekur að sér létt heimilisþrif fyrir sanngjarna greiðslu þá mega áhugasamir senda mér meil á [e-mail].

Um er að ræða meðal stóra íbúð í Vesturbænum...

(Ég veit að frúin á eftir að skamma mig fyrir þessa færslu.)

Snögg-grillaður furðufugl...

Fór í massaflott grill til Ella félaga um daginn. Boðið var uppá lambalund, kjúklingabringu og snögg-grillaðan strút. Smakkaðist vel með góðu rauðvíni og bjór í lokin.

Þar sem ég veit að Elli les bloggið mitt meira en eðlilegt getur talist þá tilkynnist það hér með að ég er einn heima fram yfir helgi og til í annað grill á þeim tíma.

ps... mæli með Ella sem ljósmyndara, allir þeir sem ætla að giftast, skilja eða vantar fjölskyldumyndir fari á www.erling.is. 

Áfram KR...

Skellti mér á leik minna manna í KR gegn Grindavík. Kann vel við bæði lið. KR tapaði 2-1 og verður að segjast eins og er að það var bara sanngjarnt. Það vantar gredduna í KR. Þeir þurfa að vera aggressívari fyrir framan mark andstæðinganna. Leikmenn KR mega ekki gleyma að liðum finnst það einna skemmtilegast að vinna KR. Það hefur alltaf verið þannig.

Næstu leikur er einmitt gegn Grindavík í bikarnum, er kominn með félaga á leikinn og er ég sannfærður um að KR hefnir ósigursins gegn Grindavík.

Vinna, vinna, vinna...

Þá er ég byrjaður að vinna aftur eftir sumarfrí. Það er fínt að byrja að vinna enda vinnustaðurinn minn (Landsbankinn) mjög skemmtilegur vinnustaður og mitt samstarfsfólk allt hið besta.

Tók samt eftir því að það tekur viku að komast úr vinnugírnum í fríinu og svo um viku að komast aftur almennilega í vinnugírinn aftur.

En mættur til starfa og það er gott og blessað.